عن المطعم
حكايتنا
السبب في نجاحنا كان ان احنا نعمل مكان تحبه الناس و علشان نوصل لهدفنا
و نخلي ستوريا من احسن الأماكن في مصر كان لازم نضمن للعميل جو خاص من المحبة نخليهم يحسوا
قد ايه هم مميزين بأن احنا نقدملهم المنتجات الفريدة من نوعها و قدرنا نحقق هدفنا لمدة اكتر من
ستة عشرسنة بشهادة عملائنا
عن ستوريا
بكل فخر ستوريا من الاماكن القليلة المتواجد فيها متابعة عالية جدا علي جودة المنتج و نظام طرد مركزي
لتنقية الجو من دخان الشيشة و السجائر و معايير نظافة خمس نجوم
و بنخلق في المكان جو حماسي و ممتع باستخدام نظام صوت مجسم و شاشات كبيرة لعرض جميع
البطولات الرياضية الكبري و البرامج التليفزيونية الشهيرة و كمان احنا بنعمل اعياد الميلاد و حفلات
تخرج و عملائنا دلوقتي يقدروا يتفرجوا علي المنيو جوا او برة ستوريا من خلال التطبيق الموجود علي
جوجل بلاي و ابل ستور و كمان من جوة ستوريا بنوفرلهم المنيو تابلتس
احنا بنفخر في ستوريا بتقديم الأفضل لعملائنا و من البداية هو ده اهم اولوياتنا اننا نكون مصدر لافضل
و ارقي المكونات و المنتجات و نقدم الذ الوجبات و المشروبات الصحية و افضل انواع الشيشة
اطلب الشوربة على طريقتك
عندنا هتلاقي انواع كتير من الشوربةبتتحضر طازة اول ما يطلبها العميل و بتكون مية في المية مكوناتها طبيعية و متبلة باحسن الاعشاب بخلطتنا الخاصة لطعم لذيذ و صحي
سعادتك في سلاطتك
في ستوريا بنوصل الخضار طازة من المزرعة لطبقك احنا مشهورين بالتنوع الكبير في السلطة بنقدم
للعميل كل انواع السلطة المحلية و انواع كتير من السلطة العالمية المضاف ليها لمسة و تتبيلة شيفاتنا
مقبلاتنا مفيش أحسن من كدة
المقبلات عندنا مش مجرد طبق عادي هي اكتر من ما تتخيل في ستوريا صوابع الموتزريلا المقلية
البوب هوت دوجز و صوابع الدجاج المقرمشة و انواع تانية كتير من المقبلات هي الذ من ما تتخيل
: الافطار في مبدعين
الفطار في ستوريا شكل تاني و لاننا عارفين ان الفطار هو اهم حاجة في اليوم ستوريا بتقدم افضل السندويتشات الباردة مثل ساندوتش التونة القطع و السالمون المدخن و الديك الرومي المدخن و تشكيلة
اطباق الاومليت مع الخبز و المربي و الزبدة و لان يومك لازم يبتدي بوجبة مفيدة احنا بنقدم الاومليت
بالجبنة، الاومليت الاسباني اللذيذ بالخضار، الاومليت بالهوت دوج، الاومليت بالسلامي، و افضل اطباق
الفطار اومليت ستوريا و هو عبارة عن اي نوع من اطباق الاومليت المذكورة مع البوم كروكيت اللذيذ و
الهوت دوج الطازة واخيرا عندنا اجواد انواع الكرواسان بكل انواعه او
السندويتش اكبر و احسن
احسن اختيار دايما هو السندويتش و عندنا في ستوريا
الاختيارات كتير فيه سي فود ، فراخ، لحمة و برجر بكل أنواعه و السندويتشات
الباردة و الساخنة عليها احسن الخضروات الطازة و بيتقدم معاها الفرنش فرايز اللذيذة و عليها خلطة
الشيف العظيمة
البيتزا مفيش احسن من كدة
بكل فخر احنا بنقدم لعملائنا واحد من احسن منتجات ستوريا البيتزا عندنا بتتقدم بأفضل
أنواع الجبنة الموتزريلا و الاضافات و احسن الخضروات الطازة و كمان عندنا تنوع ما بين
اللحمة و الفراخ و السي فود و بيتزا الخضروات الرهيبة اللي كل عملائنا بيقولوا لازم تتجرب
الأطباق الرئيسية الف حكاية و حكاية
في ستوريا كل طبق رئيسي لذيذ و بيتقدم للعميل بسرعة و كل طبق له حكاية عندنا
الاختيارات كتير جدا ما بين اطباق السي فود و اللحمة و الفراخ
و كمان بنزود قيمة الاكل بالاطباق الجانبية زي المكرونة البيضا و الحمرا البطاطس المهروسة الفرنش
فرايز و الخضار السوتيه و الرز و كل ده علشان نخلي يومك احلي
مع ستوريا الدايت بقي متعة
مع الجيل الجديد من منيو الدايت في ستوريا هتتأكد انك مجربتش الدايت قبل كدة
الناس كلها بتشتكي من الدايت ان طعمه سيئ و إن كميته دايما قليلة في ستوريا
عرفنا نحقق المعادلة الصعبة و كسرنا كل القواعد بإشراف دكاترة دايت متخصصين قدرنا نقدم الذ
و اطعم وجبة دايت بحجم كبير هيشبعك و يخليك تحب تاكل دايت علي طول
المكرونة زي ما بتحب تاكلها
متعة المكرونة في ستوريا لا تقارن يعني لو انت من محبي المكرونة الحمرا او البيضا
هتعرف ليه ستوريا الافضل في المكرونة لما تطلب النجرسكو و الالفريدو
لكن لو انت مميز و بتحب المكرونة و عاوز تعرف معني التميز يبقي هتجرب
طبق ستوريا ماكاروني بقطع اللحمة و صوص المكرونة البني الوحيد في البلد
الحلويات إحساس السعادة و البهجة
علشان الحلويات هي المصدر الرئيسي للسعادة ستوريا بتقدم المولتن كيك العظيم المليان ببحر من
و كمان عندنا اختيارات كتير من التشيز كيك الشهيرة بكل نكهاتها و موجودة مع الايس كريم في التشيز
مادنس
و التشوكليت تشيز فمفيش أروع من كدة اختيار لملتيزرز كيك و الام اند امز كيك
الكريب و الوافل زودناهم بالشوكولاتة و نكهات كتيرة و الايس كريم قصة تانية خالص ممكن تطلب
ايس كريم ساندويتش او ايس كريم ميكس او الأكتر طلبا في ستوريا الأيس كريم بالفواكه
اليوجو بالفواكه مع عصير البرتقال الفرش دايما اختيار لذيذ و افضل سلطة الفواكه ممتعة و بفخر بنقدم في ستوريا سلطة من مكعبات الفواكه جوة نص قطعة كنتلوب
في المشروبات مفيش حد أحسن مننا
لمدة ستاشر سنة وإحنا بنقدم المشروبات بتفوق و امتياز منيو المشروبات الساخنة هيشبع كل رغبات
عملائنا بكتير من المشروبات اللي جودتها عالية و علشان نضمن سعادة عملائنا احنا بنقدم جميع انواع
التركية و الاسبرسوا مع قطع من الشوكولاتة المحشية بحبوب البن القهوة
و لمشروب دافئ بنكهات عديدة عندنا اللاتييه
الميكياتو و السيدار و يسعدنا اننا نقدم الكوفي نوتيلا واحد من اكتر المشروبات
قوة و سعادة و برضه الوايت موكا المليانة بالشوكولاتة البيضا و مفيش اقوي و احلي من الاوريو وايت شوكليت
و المنيو بتاع الكولد درينك مليان مشروبات هتاخد عقلك زي الأيس كوفي و مشاريب الشوكولاتة الماليانة شوكولاتة بيضا و براون زي السنيكرز و الملتيزرز اما الميلك شيك
فقصة تانية خالص و نضيف لكل ده الكوكتيلات و العصائر اللي الفاكهة المستخدمة فيها بتوصل فريش من
المزرعة لمشروبك و كمان عملنا ميكس بين احسن الكوكتيلات و مشروبات الطاقة